ეკოლოგიაზე ზრუნვა, როგორც დასაქმების ახალი პერსპექტივა

გამოქვეყნებულია: 10.Jun.2016

ეძებთ სამუშაოს? შეიძლება მზის ენერგია დაგეხმაროთ

განახლებადი ენერგიის საერთაშორისო სააგენტოს (IRENA)-ს თანახმად განახლებადი ენერგიის ინდუსტრია მსოფლიოში ძალიან სწრაფად იზრდება. ამ ინდუსტრიაში ამჟამად 8,1 მილიონი ადამიანია დასაქმებული, აქედან 5% კი მხოლოდ გასულ 2015წელს, რაც მზარდ ტენდენციაზე მიუთითებს. დაახლოებით 3 მილიონი ადამიანი, ანუ ამ სფეროში დასაქმებულთა მესამედზე მეტი საქმიანობას დამოუკიდებლად ახორციელებს, ეს კი 11%-იანი ზრდაა 2015წლისთვის.

ამავდროულად, წიაღისეულის მოპოვება, განსაკუთრებით საწვავის ინდუსტრია სამუშაო ადგილების კლების ტენდენციით ხასიათდება. IRENA-ს გენერალური დირექტორი, Adnan Z. Amin ამტკიცებს, რომ განახლებადი ენერგიის სექტორში სამუშაო ადგილების ზრდა ახალისებს მის ეკონომიკურ სარგებლიანობასაც. მხოლოდ ამერიკის შეერთებულ შტატებში ამ მიმართულებით სამუშაო ადგილები 6%-ით გაიზარდა, მაშინ როცა ნავთობისა და გაზის მრეწველობაში სამუშაო ადგილები 18%-ით შემცირდა. მზის ენერგიის მიმართულებით კი რეკორდული 22%-იანი ზრდაა დასაქმების კუთხით.

საერთო ჯამში, მზის ენერგიის წარმოების თვითღირებულების შემცირება, მზის ბატარეების ტექნიკურად გაუმჯობესება და ათობით ქვანახშირის საბადოს დახურვა კარგი მოტივატორი გახდა მზის ენერგიების დანერგვისთვის ამერიკის შეერთებულ შტატებში, სადაც უკვე 1 მილიონამდე მზის ელექტროსადგური ფუნქციონირებს. უახლოეს 2წელიწადში კი ამ რაოდენობის გაორმაგებასაც ვარაუდობენ.

მაგრამ, ყველა არ არის ბედნიერი განახლებადი ენერგიების ზრდით. რათქმაუნდა ენერგოგიგანტები და დიდი კომპანიები ეწინააღმდეგებიან არაკომერციული ენერგო ტექნოლოგიების გაძლიერებას და დანერგვას. წიაღისეულის მომპოვებელი კომპანიები აქტიურად იბრძვიან ამის წინააღმდეგ სხვადასხვა ფორმებით და ამით ცდილობენ შეინარჩუნონ საკუთარი საქმიანობა, რომელიც ეკო გარემოს დიდ ზიანს აყენებს.

განახლებადი ენერგიის ოპონენტები ამტკიცებენ, რომ საწვავი წიაღისეულის მოპოვების შეჩერებით ამერიკელები სამუშაო ადგილების გარეშე დარჩებიან. საპირისპიროდ კი განახლებადი ენერგიის მომხრეები ამტკიცებენ, რომ ეს სექტორი შექმნის ადგილებს მათთვის, ვინც დაკარგავს სამსახურს წიაღისეულის მომპოვებელ ინდუსტრიაში.

‘’მზე გვაძლევს სამუშაო ადგილებს, სუფთა ენერგიას და ეკონომიკურ ეფექტიანობას’’ამბობს მზის ენერგიის ინდუსტრიის ასოციაციის პრეზიდენტი Rhone Resch-ი. 2020 წლისთვის კი ის ვარაუდობს ნახევარ მილიონამდე დასაქმებულ ადამიანს მხოლოდ მზის ინდუსტრიაში.

 

თარგმანი: საბა გამყრელიძე

წყარო

ასევე წაიკითხეთ:

image

ქალთა ეკონომიკური გაძლიერება სოფლის მეურნეობის განვითარების კონტექსტში (PDF)

ქალთა ეკონომიკური გაძლიერება ქართულ ფემინისტურ მოძრაობაში ერთ-ერთი აქტუალური საკითხი და მიმართულებაა. ამავდროულად, საქართველოში 2013 წლიდან ხორციელდება ევროკავშირის სოფლის მეურნეობის განვითარების პროგრამა, ENPARD. ამ კონტექსტში მოცემული კვლევა (პოლიტიკის დოკუმენტი) მიზნად ისახავს, გამოავლინოს სოფლის მეურნეობაში ქალთა ეკონომიკური გაძლიერების ბარიერები და განვითარების პოლიტიკებში ამ საკითხის ინტეგრაციის შესაძლებლობები. კვლევის ფარგლებში ანალიზი განხორციელებულია ადამიანის უფლებების მიდგომისა და გენდერი და განვითარების მიდგომის გამოყენებით; კვლევა განხორციელდა თვისებრივი მეთოდების გამოყენებით. ქალთა ეკონომიკური გაძლიერების გამოწვევები განხილულია ისტორიულ, გლობალურ და ლოკალურ ჭრილში, და კვლევის მიზნიდან გამომდინარე, დაკავშირებულია სოფლის მეურნეობის განვითარების კონტექსტსა და გამოწვევებთან. ანალიზსა და კვლევის მიგნებებზე დაყრდნობით გავცემთ რეკომენდაციებს სახელისუფლებო ინსტიტუტებისთვის.

image

რა გავლენა აქვს კლიმატის ცვლილებას ღვინის წარმოებაზე

იმედია, როგორც მომხმარებლები, შევძლებთ იმ ცვლილებების მართვას, რომელიც ჩვენი ყოველდღიური ცხოვრების წესით და გადაწყვეტილებებითაა გამოწვეული. დროა ჩვენი თანხები სწორად მივმართოთ და მხარი დავუჭიროთ ფერმერებსა თუ ადგილობრივ მწარმოებლებს და ასევე საკუთარ წარმოებებს. შეგვიძლია, ვიყოთ მეტად ინფორმირებული, დავსვათ შეკითხვები, მივიღოთ პასუხები და მივიღოთ გადაწყვეტილებები მეტად ჯანსაღი პლანეტისა და საზოგადოებისთვის.

შემოგვიერთდით