COP24

გამოქვეყნებულია: 25.Dec.2018

4 დეკემბერს პოლონეთის ქალაქ კატოვიცაში COP24 დაიწყო, სადაც მწვანე აქტივისტები და  დელეგატები კლიმატის საკითხებზე, განსაკუთრებით კი აგროკულტურის მნიშვნელობაზე ფოკუსირდნენ.

COP24 კვირა დღეს დაიწყო ნაცვლად ჩვეული ორშაბათისა. ფორმალური ნაწილი, სხვადასხვა მოლაპარაკებები, დღის წესრიგის მიღება და ახალი პრეზიდენტის არჩევა პირველივე დღეს მოხდა.  ორშაბათს კი მაღალი დონის შეხვედრები გაიმართა პრემიერ-მინისტრებისა და ოფიციალური წარმომადგენლების მონაწილეობით. იმავდროულად, COP-ის ფარგლებში დაიწყო დაგეგმილი რეალური თემების განხილვა.

ყველა საკითხის განხილვა თანმიმდევრულადაა გაწერილი. მოლაპარაკებები არ ხდება ერთსა და იმავე დროს ერთსა და იმავე ოთახში. დღის წესრიგში დაახლოები 10 საკითხია განსახილველი და, შესაბამისად, ოცამდე ოთახი ეთმობა ამ საკითხების განხილვას სხვადასხვა სამუშაო ფორმატში. მაგრამ ყველაზე მნიშვნელოვანია „პარიზის ხელშეკრულება“ და მისი შესრულება. 3 წლის წინ COP21-ზე მიღებულ იქნა შეთანხმება და აღებულ იქნა ვალდებულებები მრავალი ქვეყნის მიერ. ისეთ საკითხებზე, როგორიცაა ცნობადობის ამაღლება გარემოს დაცვის კუთხით, ასევე ჩრდილოეთ ევროპის ქვეყნების მიერ დახმარების გაწევა სამხრეთის ქვეყნებისთვის კლიმატის ცვლილებასთან ბრძოლაში. უფრო მეტიც, პარიზის შეთანხმებით ქვეყნებმა უნდა შეასრულონ ვალდებულებები და, ასევე, გააუმჯობესონ ისინი. ამჯერად ყურადღება გამახვილებულია პროცესების გამჭვირვალობაზე, თუ როგორ შეასრულებენ ვალდებულებებს.

შეთანხმებაში არსებობს რისკებიც, შესაძლებელია ხელშეკრულების გაწყვეტაც. მაგ., ზოგი სათბური გაზი შეიძლება, ამოღებულ იქნეს სიიდან. ან შესაძლებელია ტყეების დაცვის წვლილის კორექტირება. ზოგ ქვეყანას შეუძლია, თქვას: «ჩემი ვალდებულება შევასრულე, გავაშენე 3 ჰა ტყე და ამით შემცირდა ჩემი სათბურის ემისიები», მაგრამ, ცხადია, ეს არაეფექტური იქნება. ასე რომ, შესაძლებელია მანიპულირება, რაც, ცხადია, კლიმატის პრობლემას ვერ გადაჭრის.

კლიმატის ცვლილებისგან გამოწვეული ბუნებრივი კატასტროფებით სავსე წლის შემდეგ სტუდენტები და ახალგაზრდები მასობრივი დემონსტრაციებით ქუჩაში გამოვიდნენ ეკოლოგიური სამართლიანობის მოთხოვნით, თუმცაღა მსოფლიო ლიდერებმა სამიტზე ვერ მოახერხეს კლიმატის ცვლილების შესაჩერებლად რეალური ნაბიჯების გადადგმა. კლიმატის ცვლილების შესახებ გაეროს ჩარჩო კონვენციის 24-ე კონფერენცია დასრულდა. ზოგი ქვეყანა ბლოკავს შეთანხმებებს და ცდილობს, თავიდან აირიდოს ვალდებულებები. ცხადია, ეს ფაქტი სრულიად სამარცხვინო და უპასუხისმგებლოა კატასტროფული ეკოლოგიური ცვლილებების ფონზე. ამის სანაცვლოდ ისინი იმედებს იძლევიან მომავალი წლის სექტემბერში ნიუ-იორკში გასამართი სამიტის პირობებში. მაღალი რანგის ჩინოვნიკებისა და დიპლომატებისთვის შესაძლოა, მცირე დრო იყოს, მაგრამ კლიმატისთვის და ადამიანებისთვის, რომლებიც მისი შედეგებით იტანჯებიან, 9 თვე ძალიან დიდი დროა.

სხვა წევრი სახელმწიფოებისგან განსხვავებით ევროკავშირმა შექმნა „მაღალი ამბიციების კოალიცია“, რომელიც ითვალისწინებს 2030 წ-მდე ემისიების მკვეთრ შემცირებას. ამიტომ ევროკავშირის ლიდერებმა სახლში დაბრუნების შემდეგ ამ მიზნების მისაღწევად კონკრეტული ქმედებები უნდა დაიწყონ. და, ასევე, დაიწყონ სხვა წევრი ქვეყნების დახმარება და თანამშრომლობა. ასევე, ჩვენ ვნახეთ, რომ აქტივისტთა გარკვეულმა ჯგუფმა ვერ გადმოლახა პოლონეთის საზღვარი, ხოლო აქციის მსვლელობის დროს კი რამდენიმე აქტივისტი დააპატიმრა პოლიციამ. პოლონეთის, როგორც წლევანდელი წლის COP-ის მასპინძელისა და პრეზიდენტის როლი ისტორიაში არც ისე კარგად შევა. მათ ქვანახშირის მომპოვებელი კომპანია მთავარ პარტნიორად მიიწვიეს, ასევე მიწვეულ იქნა წიაღისეულის მოპოვებითი სამუშაოების მრავალი ლობისტი.  საბედნიეროდ, მათ არ მიეცათ ნებართვა მოპოვებაზე. ბრაზილია, საუდის არაბეთი, ა.შ.შ სამარცხვინოდ წარმოჩინდნენ. მათ თავიანთი ქვეყნების რამდენიმე აქციონერის გულის მოგება ურჩევნიათ, ვიდრე ყველა დანარჩენის მთელ მსოფლიოში. სამწუხაროა, როცა ქვეყნები მანიპულირებენ მეცნიერებით და ვალდებულებებს ირიდებენ და მომავლისთვის გადადებენ.

ახალგაზრდების ძალიან დიდი ჯგუფი მობილიზდა მთელი მსოფლიოდან ეკოლოგიური სამართლიანობისთვის. სამწუხაროდ, ეს მხოლოდ სამიტის მიღმა იყო. საბოლოო ტექსტში მომავალი თაობებისთვის ახალგაზრდობა ნახსენებიც არაა. როგორც ჩანს, სერიოზულად არც აღვიქმებით. თუმცაღა ეს ცხადია, რომ ახალგაზრდების როლი მდგრადი განვითარებისა და სამართლიანობისთვის ბრძოლაში უდიდესია.

საბა გამყრელიძე

დამხმარე მასალა 1, 2

ასევე წაიკითხეთ:

image

გრეტას მესიჯი მოხელეებს: „თქვენ მოიპარეთ ჩვენი მომავალი“

მოსწავლეები მთელ მსოფლიოში 15 მარტს მონაწილებას იღებდნენ გაფიცვაში უკეთესი კლიმატისთვის. გაფიცვა ისტორიაში ყველაზე დიდი იყო, რომელიც ორგანიზდა ახალგაზრდული მოძრაობის Fridays for future-ის მიერ. შთაგონება მოდის 16 წლის გრეტა თუნბერგისგან.

image

#ტრამვაითბილისს

გარემოს დაბინძურება, სოციალური უთანასწორობა,  ეკონომიკური ჩაგვრა, ანტი-ადამიანური ურბანული პოლიტიკა, განათლების სისტემის კოლაფსი… დაუსრულებლად შეიძლება დღევანდელი ქართული საზოგადოების მძიმე პრობლემების ჩამოთვლა. ამ ასპექტების უმეტესობა საქართველოს მოსახლეობის აბსოლუტურ უმრავლესობას ეხება და აზარალებს, ხოლო ისეთ მასიურ პრობლემას, როგორიც ჰაერის დაბინძურებაა, ვერც ერთი ჩვენგანი გავექცევით — ტყვიითა და მომწამვლელი ნივთიერებებით გაჟღენთილ ჰაერს ყველანი ვსუნთქავთ.

საქართველოს ახალგაზრდა მწვანეების მიზანი სწორედ ამ მდგომარეობასთან ბრძოლა და მწვანე წესრიგის შექმნაა. მწვანე წესრიგი არა მხოლოდ ეკოლოგიური ასპექტის მოგვარებაა, არამედ იგი მოიაზრებს ნებისმიერი ნიშნით ჩაგვრისა და უთანასწორობის აღმოფხვრას. ესაა ადამიანის კეთილდღეობაზე მორგებული წესრიგი.

შემოგვიერთდით