ბევრი ბრძოლა - ერთი დამნაშავე

გამოქვეყნებულია: 26.Aug.2017

24 აგვისტოს თბილისში რკინიგზის თანამშრომლების აქცია პოლიციამ სასტიკად დაარბია და 10-მდე აქტივისტი დააპატიმრა. ამის პარალელურად ბათუმში ორი ლგბტ აქტივისტის მიმართ სიძულვილით მოტივირებულ დანაშაულზე ჯერ თვალები დახუჭა, შემდგომ კი ნაცემი აქტივისტები დააპატიმრა და განყოფილებაში დამამცირებელი ჰომოფობიური მოპყრობით და აქტივისტების დამნაშავეებად შერაცხვის მეშვეობით სცადა საკუთარი დანაშაული გადაეფარა. ეს ორი შემთხვევა სხვადასხვა ქალაქებში მოხდა და ერთი შეხედვით განსხვავებული მიზეზები აქვს, თუმცა ორივე იმ სისტემური მჩაგვრელი პოლიტიკის ნაწილია, რომელსაც უკვე მერამდენე წელია ვუყურებთ.

დემურ სტურუა მოკლა სახელმწიფომ!

სახელმწიფომ მოკლა უამრავი ქალი თავისი უმოქმედობით და ინდიფერენტულობით!

სახელმწიფომ მოკლა ტრანსგენდერი ქალები მათთვის განვითარებისა და უსაფრთხო გარემოს შეზღუდვით!

სახელმწიფომ დახოცა მუშები მშენებლობებზე, შახტებში!

სახელმწიფო კლავს ყველას, ვინც არ ემორჩილება ან შეიძლება არ დაემორჩილოს!

მაშინ, როცა ადამიანები მინიმალურს - ღირსეული შრომის პირობებს ითხოვენ!

მაშინაც როცა საერთაშორისო ორგანიზაციებთან ადამიანების უფლებების დამცველებად კეკლუცი არ სჭირდებათ!

მხოლოდ პოლიციის ცალკეული თანამშრომლების დასჯა არ უშველის რკინიგზელებს, რომლებიც რამდენიმე დღიანი შიმშილობის შემდეგ არნახული სისასტიკით გადაათრიეს პოლიციაში!

ცალკეული პოლიციელების ჰომოფობიის მხილება არაა საკმარისი სახელმწიფოს და პოლიტიკოსების გაუთავებელი სიძულვილის ენის აღმოსაფხვრელად!

ამიტომ ჩვენ მოვუწოდებთ ხელისუფლებას:

  1. გამოიძიოს დაკავებული აქტივისტების საქმეები და შესაბამისი ზომები მიიღოს პოლიციელების წინააღმდებ!
  2. პრემიერ მინისტრმა დააფიქსიროს სახელმწიფოს პოზიცია მოქალაქეების მიმართ სასტიკი მოპყრობისა და პოლიციური რეჟიმის გამოვლინებების შესახებ!

ჩვენ მოვუწოდებთ მოქალაქეებს:

ჩვენ ყოველდღიურად ვიბრძვით გადარჩენისთვის. სახელმწიფოს ეკონომიკური პოლიტიკა მოქმედებს მხოლოდ ცალკეული ელიტების სასარგებლოდ. რკინიგზელების, ფრესკოს თანამშრომლების, ლგბტ აქტივისტების თუ ნარკოპოლიტიკის წინააღმდეგ ბრძოლა არის ერთი საერთო მტრის - ხელისუფლების უმოქმედობის, ძალადობრივი პოლიტიკისა და სოციალური და ეკონომიკური უთანასწორობის წინააღმდეგ ბრძოლა! სისხლიანი ცხრა წელი არ დაწყებულა მიშიზმით და არ დამთავრდება ამ ხელისუფლებით! ძალადობა არის გამჯდარი, დაკანონებული, ტრადიციად მონათლული, ჩვენი მორჩილებისთვის გამოგონილი.

თეგები:

ასევე წაიკითხეთ:

image

ფაშიზმზე გამარჯვების დღე

უნდა გავაცნობიეროთ, რომ მტერი ჩვენ, ხალხს შორის კი არა — პოლიტიკურ და ეკონომიკურ ელიტაშია და მხოლოდ მათთან ბრძოლით შევძლებთ, დავამარცხოთ არსებული მჩაგვრელი ეკონომიკური სისტემაც და მისი ნაშიერი ფაშიზმიც!

image

საპირველმაისო მანიფესტი

ჩვენი სახელმწიფო ანტი-სოციალურია; მისი ანტი-ჰუმანური პოლიტიკის შედეგად მხოლოდ ამ წლის მარტში 6 მუშა გარდაიცვალა სამუშაო ადგილას, ხოლო 2011-2018 წლების განმავლობაში 376 დაიღუპა, 1081 დაშავდა. სამუშაო ადგილზე სიკვდილი შეუძლებელია უბედური შემთხვევა იყოს, თან როდესაც საუბარია არა ერთ ან ორ, არამედ ასეულობით დაღუპულზე. მშრომელების დაღუპვაში დამნაშავე ნეო-ლიბერალური პოლიტიკა, დაურეგულირებელი ბაზარი, ბიზნესის თვითნებობა, უუნარო შრომის ქოდექსი და ამის გამტარებელი სახელმწიფოა!

image

სოლიდარობა პანკისელებს, არა ჰესებს

რაც პანკისში ხდება არ არის მხოლოდ პანკისის პრობლემა! ეს ყველა ჩვენგანის პრობლემაა! რადგან იგივე სისტემა, რომელიც დღეს პანკისელებს ებრძვის აქ მუშებს ხოცავს სამუშაო ადგილზე, გამონაბოლქვში გვახრჩობს და სიღარიბეში სულს გვაძრობს სრულიად მიზანმიმართული პოლიტიკით.

შემოგვიერთდით