პასუხი თბილისის მერს

გამოქვეყნებულია: 17.Apr.2019

მივესალმებით თბილისის მერის, კახა კალაძის გამოხმაურებას ახალგაზრდების გაფიცვაზე და გვსურს, პასუხი გავცეთ ამ განცხადებას:

ჩვენი პროტესტი საკმაოდ კრიტიკული იყო არა მხოლოდ კონკრეტული ეკოლოგიური პრობლემების, არამედ, პირველ რიგში — მისი გამომწვევი პოლიტიკის მიმართ.

მიუხედავად თბილისის მერის ქმედებებისა თუ დაპირებებისა, თბილისს მაინც არაფერი ეტყობა: რეალურად ჩვენ ვცხოვრობთ საცობებით და გამონაბოლქვით, ბეტონით, სიღარიბითა და უთანასწორობით სავსე ქალაქში. აქ რეგულაციები ისევ მხოლოდ რიგით მოქალაქეებს აღარიბებს, დიდი მშენებლობები და ბიზნესები კი ხელუხლებელი რჩება. ეკოლოგიური სამართლიანობა არ არსებობს სოციალური სამართლიანობის გარეშე. ჩვენ არ ვიცავთ მხოლოდ ბუნებას, ჩვენ მოვითხოვთ ცხოვრების ღირსეულ და ჯანსაღ პირობებს ყველასთვის!

საქართველოს ახალგაზრდა მწვანეები და „ვინ’მე“ მოვუწოდებთ თბილისის მერს, გამოიჩინოს მეტი ანგარიშვალდებულება ახალგაზრდებისა და საზოგადოების მიმართ, დაანგრიოს კამერებით აღმართული ბარიერი და შეგვხვდეს პირადად, მოისმინოს ჩვენი წუხილები და ჩართოს ახალგაზრდები ქალაქის პოლიტიკის წარმართვაში.

ჩვენ მერს ვთავაზობთ, მონაწილეობა მიიღოს საჯარო/სატელევიზიო დებატებში, სადაც იგი პასუხს გასცემს როგორც ახალგაზრდა გარემოსდამცველების, ასევე ურბანისტების, ეკოლოგებისა და სხვა სპეციალისტების კითხვებსა და მოთხოვნებს. ამ სახის დიალოგს მივიჩნევთ ჩვენს აქციაზე ადეკვატურ გამოხმაურებად და დემოკრატიული მმართველობის პრინციპების მხარდაჭერად.

საქართველოს ახალგაზრდა მწვანეები
ვინ’მე

ასევე წაიკითხეთ:

image

დავიცვათ დიღმის ტყე

ჩვენ 13 ივლისს დიღმის ტყეში, კარვებში გავათენეთ ღამე. ხოლო 14 ივლისს ჩავატარეთ გამაფრთხილებელი დემონსტრაცია, რომ არ ვაპირებთ დავუშვათ დიღმის ტყის გაჩანაგება და რესტორნის უკანა ეზოდ ქცევა!  

image

„ახალგაზრდა მწვანეების“ პოზიცია 20 ივნისზე

მოქალაქეები ეჯახებიან როგორც ყოველდღიურ ცხოვრებაში, ასევე ნებისმიერი პროსტესტის დროს. მიგვაჩნია, რომ ამ პოლიციური რეჟიმის შექმნასა და გამყარებაში დიდი წვლილი მიუძღვის „ნაციონალურ მოძრაობას“, რომელმაც წამოიწყო და საფუძველი ჩაუყარა „ნულოვანი ტოლერანტობის“ პოლიტიკას. მეორეს მხრივ, გვსურს, ხაზი გავუსვათ „ქართული ოცნების” ქმედებებს და იმას, რომ ეს პარტია აგრძელებს წინამორბედის წამოწყებულ პოლიტიკას და, შესაბამისად, პოლიციური რეჟიმის გამოყენებით ცდილობს, ჩაახშოს ქვეყანაში არსებული პროტესტი არსებული სოციალური, ეკონიმიკური თუ პოლიტიკური მდგომარეობის წინააღმდეგ.

image

ფაშიზმზე გამარჯვების დღე

უნდა გავაცნობიეროთ, რომ მტერი ჩვენ, ხალხს შორის კი არა — პოლიტიკურ და ეკონომიკურ ელიტაშია და მხოლოდ მათთან ბრძოლით შევძლებთ, დავამარცხოთ არსებული მჩაგვრელი ეკონომიკური სისტემაც და მისი ნაშიერი ფაშიზმიც!

შემოგვიერთდით