შრომის ინსპექცია მშრომელთა დასაცავად

გამოქვეყნებულია: 10.Feb.2015

"საქართველოს ახალგაზრდა მწვანეები" ვუერთდებით აქციას მშრომელთა ექსპლუატაციის წინააღმდეგ და ვთვლით, რომ საქართველოს შრომით ბაზარზე და კერძო კომპანიებში მშრომელების უსაფრთხოებისა და უფლებების მხრივ არსებული სიტუაციის და ხელისუფლების არაადეკვატური პოლიტიკის გათვალისწინებით, აუცილებელია ყველა ჯგუფი, მოძრაობა და მოქალაქე გაერთიანდეს ამ პრობლემის გარშემო.

შრომის ინსპექციის არასებობისა და სახელმწიფოს მიერ კერძო კორპორაციულ ინტერესებს დაქვემდებარებული ეკონომიკური პოლიტიკის გატარების გამო შრომით ბაზარზე სავალალო სიტუაციაა. 2014 წლის მონაცემებით შრომის ინსპექციის არარსებობისა და უსაფრთხოების დაუცველობის გამო დაიღუპა 41 მუშა და მძიმედ დაშავდა 61. უკვე არაერთხელ აღინიშნა, რომ შრომის მონიტორინგის ნებაყოფლობითი სისტემა ვერ მოაგვარებს იმ პრობლემებს, რომელიც დღეს მშრომელთა ყოველდღიური ყოფის ნაწილია. ქვეყანაში ზემოთაღწერილი სოციო-ეკონომიკური სიტუაციის არსებობის პირობებში, "ახალგაზრდა მწვანეები" სახელმწიფო რესურსის არაქმედით ინიციატივაში ინვესტირებას სრულიად არაეფექტიან გადაწყვეტილებად მივიჩნევთ.

აუცილებელია, სახელმწიფომ აიღოს მისი წილი პასუხისმგებლობა, იზრუნოს საკუთარ მოქალაქეებზე და მათი უსაფრთხოება და კეთილდღეობა კერძო კორპორაციულ ინტერესებზე მაღლა დააყენოს, ამისათვის კი შრომის ინპექციის შექმნა უახლოეს მომავალში განსახორციელებელი ერთ-ერთი პრიორიტეტი უნდა გახდეს.

აქცია გაიმართება 13 თებერვალს, პარასკევს, შრომის, ჯანდაცვისა და სოციალური დაცვის სამინისტოს წინ.
დეტალურად აქციის შესახებ გადადით ლინკზე

მოგიწოდებთ ყველას, მოხვიდეთ!

© ლიბერალი

ასევე წაიკითხეთ:

image

დავიცვათ დიღმის ტყე

ჩვენ 13 ივლისს დიღმის ტყეში, კარვებში გავათენეთ ღამე. ხოლო 14 ივლისს ჩავატარეთ გამაფრთხილებელი დემონსტრაცია, რომ არ ვაპირებთ დავუშვათ დიღმის ტყის გაჩანაგება და რესტორნის უკანა ეზოდ ქცევა!  

image

„ახალგაზრდა მწვანეების“ პოზიცია 20 ივნისზე

მოქალაქეები ეჯახებიან როგორც ყოველდღიურ ცხოვრებაში, ასევე ნებისმიერი პროსტესტის დროს. მიგვაჩნია, რომ ამ პოლიციური რეჟიმის შექმნასა და გამყარებაში დიდი წვლილი მიუძღვის „ნაციონალურ მოძრაობას“, რომელმაც წამოიწყო და საფუძველი ჩაუყარა „ნულოვანი ტოლერანტობის“ პოლიტიკას. მეორეს მხრივ, გვსურს, ხაზი გავუსვათ „ქართული ოცნების” ქმედებებს და იმას, რომ ეს პარტია აგრძელებს წინამორბედის წამოწყებულ პოლიტიკას და, შესაბამისად, პოლიციური რეჟიმის გამოყენებით ცდილობს, ჩაახშოს ქვეყანაში არსებული პროტესტი არსებული სოციალური, ეკონიმიკური თუ პოლიტიკური მდგომარეობის წინააღმდეგ.

image

ფაშიზმზე გამარჯვების დღე

უნდა გავაცნობიეროთ, რომ მტერი ჩვენ, ხალხს შორის კი არა — პოლიტიკურ და ეკონომიკურ ელიტაშია და მხოლოდ მათთან ბრძოლით შევძლებთ, დავამარცხოთ არსებული მჩაგვრელი ეკონომიკური სისტემაც და მისი ნაშიერი ფაშიზმიც!

შემოგვიერთდით