„ახალგაზრდა მწვანეების“ განცხადება პაNOრამასთან დაკავშირებით

გამოქვეყნებულია: 12.May.2016

„საქართველოს ახალგაზრდა მწვანეებს“ გვსურს, გამოვეხმაუროთ „პანორამა თბილისის“ და ბოტანიკური ბაღის ტერიტორიაზე მიმდინარე მშენებლობას და მის გარშემო განვითარებულ მოვლენებს:

დიდი ხანია ვსაუბრობთ/ვმუშაობთ საჯარო სივრცის ირგვლივ და ვცდილობთ დავაბრუნოთ ხალხში მისი სოციალური იდეა. ცხადია, ჩვენი ჯგუფის გარდა ბევრი ინიციატივა თუ პიროვნება იზიარებს საჯარო სივრცეების და მასზე მოქალაქეების უპირობო უფლების ხედვას. ჩვენ მნიშვნელოვნად მივიჩნევთ, გავერთიანდეთ მოცემულ ჯგუფებთან და ინდივიდებთან მიზნის მისაღწევად. თუმცა გვინდა ხაზი გავუსვათ იმ ფაქტს, რომ „საქართველოს ახალგაზრდა მწვანეები“ უარს ვაცხადებთ რაიმე სახით შევიდეთ კოალიციაში იმ პოლიტიკურ ფიგურებთან, რომლებიც წლების განმავლობაში ატარებდნენ საჯარო სივრცეებისა და სამოქალაქო ჩართულობის წინააღმდეგ მიმართულ ქმედებებს. მივიჩნევთ, რომ ნაციონალური მოძრაობის მხრიდან ბოლო პერიოდში გააქტიურება მოცემული თემების იგვლივ, დაკავშირებულია მხოლოდ წინასაარჩევნო კამპანიასთან და უნდობლობას ვუცხადებთ მათ.

მეორეს მხრივ, „საქართველოს ახალგაზრდა მწვანეები“ პასუხისმგებლობას ვაკისრებთ ამჟამინდელ მთავრობას. ჩვენ ვთვლით, რომ ისინი ცდილობენ გადაფარონ პრობლემის მნიშვნელობა პარტიათაშორისი დაპირისპირებით. ამ შემთხვევაში, „საქართველოს ახალგაზრდა მწვანეები“ ვერ ვხედავთ რაიმე იდეოლოგიური და სოციალური შინაარსით განსხვავებულ პოლიტიკურ ნაბიჯს კოლიაცია „ქართულ ოცნებასა“ და „ნაციონალურ მოძრაობას“ შორის. „პანორამა თბილისის“ პროექტი არის წინა მთავრობის პოლიტიკის გაგრძელება.

მოძრაობა „ერთადში“ გაერთიანებულია განსხვავებული გამოცდილების და მსოფლმხედველობის ჯგუფები. ჩართული ადამიანები სხვადასხვა კუთხით აანალიზებენ პროექტის უარყოფით მხარეებს. „საქართველოს ახალგაზრდა მწვანეები“ ხაზს ვუსვამთ სოციალურ საკითხს და ვთვლით, რომ პროექტი წარმოადგენს ნეოლიბერალური პოლიტიკის გამოძახილს (იხილეთ ჩვენი განცხადება პანორამა თბილისთან დაკავშირებით).

გადაწყვეტილების მიმღებმა პირებმა უგულვებელყვეს „პანორამა თბილისის“ ირგვლივ წამოწყებული სამოქალაქო პროტესტი და არ მიაქცეს ყურადღება მოწინააღმდეგეების არგუმენტებს მანამ, სანამ „ბრძოლაში ჩაერთო“ „ნაციონალური მოძრაობა“. იმის გაცნობიერების ფონზე, რომ „ნაციონალური მოძრაობა“ თავისი იდეოლოგიით არ იზიარებს პროექტის წინააღმდეგ არსებულ არგუმენტებს და მათი მხრიდან გადადგმული ეს ნაბიჯი პოპულისტურია, მთავრობის მხრიდან საკითხის განხილვა მხოლოდ ამ ერთი პოლიტიკური ჯგუფის („ნაციონალური მოძრაობის“) აქტიურობის კუთხით აშკარად მოძრაობის დისკრედიტაციას ემსახურება.

არ ვცვლით ჩვენს პოზიციას „პანორამა თბილისთან“ დაკავშირებით და მოვითხოვთ მშენებლობის დაუყოვნებლივ შეჩერებას. ამას გარდა, მოვითხოვთ საზოგადოების ინტერესების გათვალისწინებას ქალაქის დაგეგმარების პროცესში - იქნება ეს განხორციელებული ცენტრსა, თუ გარეუბანში.

ასევე წაიკითხეთ:

image

დავიცვათ დიღმის ტყე

ჩვენ 13 ივლისს დიღმის ტყეში, კარვებში გავათენეთ ღამე. ხოლო 14 ივლისს ჩავატარეთ გამაფრთხილებელი დემონსტრაცია, რომ არ ვაპირებთ დავუშვათ დიღმის ტყის გაჩანაგება და რესტორნის უკანა ეზოდ ქცევა!  

image

„ახალგაზრდა მწვანეების“ პოზიცია 20 ივნისზე

მოქალაქეები ეჯახებიან როგორც ყოველდღიურ ცხოვრებაში, ასევე ნებისმიერი პროსტესტის დროს. მიგვაჩნია, რომ ამ პოლიციური რეჟიმის შექმნასა და გამყარებაში დიდი წვლილი მიუძღვის „ნაციონალურ მოძრაობას“, რომელმაც წამოიწყო და საფუძველი ჩაუყარა „ნულოვანი ტოლერანტობის“ პოლიტიკას. მეორეს მხრივ, გვსურს, ხაზი გავუსვათ „ქართული ოცნების” ქმედებებს და იმას, რომ ეს პარტია აგრძელებს წინამორბედის წამოწყებულ პოლიტიკას და, შესაბამისად, პოლიციური რეჟიმის გამოყენებით ცდილობს, ჩაახშოს ქვეყანაში არსებული პროტესტი არსებული სოციალური, ეკონიმიკური თუ პოლიტიკური მდგომარეობის წინააღმდეგ.

image

ფაშიზმზე გამარჯვების დღე

უნდა გავაცნობიეროთ, რომ მტერი ჩვენ, ხალხს შორის კი არა — პოლიტიკურ და ეკონომიკურ ელიტაშია და მხოლოდ მათთან ბრძოლით შევძლებთ, დავამარცხოთ არსებული მჩაგვრელი ეკონომიკური სისტემაც და მისი ნაშიერი ფაშიზმიც!

შემოგვიერთდით