გამოხმაურება მირანდა ფაღავას საქმეზე

გამოქვეყნებულია: 30.Jan.2018

28 იანვარს, გამთენიისას ტრანსგენდერი ქალ მირანდა ფაღავას სასტიკად სცემეს. ძალადობა არათუ არავინ შეაჩერა, ელემენტარულ პირველად დახმარებაზე და სასწრაფოში დარეკვაზეც კი უარი უთხრეს იქ მდგომმა ადამიანებმა. უფრო მეტიც, პოლიციამ სიკვდილის პირას მისულ ადამიანს განუცხადა, რომ ეს „მათს კომპეტენციაში არ შედიოდა“. მირანდა ფაღავამ ვერ მიიღო სამედიცინო დახმარებაც კი ჯანდაცვის სისტემაში გამეფებული ტრანსფობიისა და საზოგადოების სრული სისასტიკის გამო! სახელმწიფო მუდმივად ცდილობს ასეთი შემთხვევები, რომელიც ტრანსგენდერი ადამიანების ყოველდღიურობაა, ინდივიდუალურ „გადაცდენებად“, კონკრეტული პოლიციელების ცუდ დამოკიდებულებად ან საზოგადოების ცნობიერების პრობლემად შერაცხოს. ამგვარი მიდგომით იფარება ის სისტემური ძალადობა, რომელსაც ხელისუფლება სხვადასხვა სამინისტროებისა და ინსტიტუტების საშუალებით ყოველდღიურად იყენებს ჩვენი სხეულების დასამორჩილებლად. პოლიციური რეჟიმი ერთი ხელით ნარკოტიკებს უდებს მოქალაქეებს, მეორე ხელით კი ცდილობს, სასტიკი ძალადობა მისი კომპეტენციის გარეთ გაიტანოს.

ძალადობა არა მხოლოდ პირდაპირი და ფიზიკური - ეკონომიკური ხასიათისაცაა. ისედაც გაღატაკებულ მოქალაქეებში, გაბატონებული ტრანსფობია კიდევ უფრო შეუძლებელს ხდის დასაქმებას და ღირსეული შრომის პირობებში მუშაობას! ტრანსგენდერი ადამიანები არის სოციალური კლასი, რომელსაც ყოველ დღე უწევს გადარჩენისთვის ბრძოლა! თუმცა ტრანსფობია საშუალებას აძლევს სახელმწიფოს ბრძოლის ველი საზოგადოების შიგნით გადაიტანოს მოქალაქე მოქალაქის, მშობელი შვილის, ქმარი ცოლის დაპირისპირებად შერაცხოს! მაშინ, როცა ნადვილი ბოროტება იქ იწყება, სადაც ადამიანებს მინიმალურ მატერიალურ რესურსებზე, ჯანდაცვაზე, განათლებასა და სამართლიან სასამართლოზე წვდომა ეზღუდებათ!

დღეს სახელმწიფო ექიმების, პოლიციელების, ბიზნესმენების, მოსამართლეების პირით გვეუბნება, რომ მის კომპეტენციაში არ შედის მოქალაქეების სიცოცხლეზე და კეთილდღეობაზე ზრუნვა! რომ სიძულვილი კულტურის ნაწილია და მისი გადაჭრა და მოსახლეობის განათლება მას არ ევალება! უკვე მრავალი წელია ვუყურებთ როგორ ევაჭრება სახელმწიფო ეკლესიას ყოველ ჯერზე, როცა განათლების სისტემაში სექსუალობისა და გენდერული უთანასწორობის საკითხების შეტანაზე მიდგება საქმე. ამით კიდევ ერთხელ თავს არიდებს პასუხისმგებლობას და შემდგომ არჩევნებში ეკლესიის მხარდაჭერას ყიდულობს თავისი მოქალაქეების სიცოცხლის ფასად. როგორც წინამორბედი, ისე ახლანდელი მთავრობა დგას სიძულვილის პროპაგანდაზე, საზოგადოების დაყოფაზე, მოქალაქეების ერთმანეთისგან გათიშვაზე და პოლიციის სისტემურ ძალადობაზე!

ეს მიდგომა უნდა დასრულდეს და ამისთვის არაა საკმარისი მხოლოდ ცალკეული „ცუდი“ პოლიციელების ან მოძალადეების დასჯა. ჩვენ ვითხოვთ სისტემურ ცვლილებებს, რაც იქნება აგებული მოქალაქეების რეალურ საჭიროებებზე! ტრანსგენდერ ადამიანებს სახელმწიფომ უნდა შეუქმნას უსაფრთხო გარემო განათლებით, ჯანდაცვისა და სასამართლო სისტემებში ტრანს საჭიროებების გათვალისწინებით, შრომის უფლებების დაცვით, რომელსაც პოლიციის ხელკეტის ნაცვლად ზრუნვისა და გაძლიერების პოლიტიკა ექნება საფუძვლად!

ასევე წაიკითხეთ:

image

თურქეთის გენოციდური ომი სირიაში

როჟავა არ არის სოციალისტური უტოპია, და არა მხოლოდ იმ გაგებით, რომ რესურსის ნაკლებობა აქვთ და ომი არასდროს ჩერდება. Როჟავა მართულია ეთნიკური ქურთების მიერ და საკმაოდ ძლიერი ნაციონალისტური ტენდენციები აქვთ. ხდება სხვა ეთნიკური ჯგუფების (განსაკუთრებით ასურელების) ჩაგვრა მათი მმართველობის ქვეშ. მაგრამ ეს ფაქტი არ ცვლის მარტივ რეალობას — თურქეთის იმპერიალისტური მიზნები ქურთების გენოციდით დამთავრდება და საკმაოდ დიდი შესაძლებლობა არსებობს, რომ იქვე მცხოვრები თურქმენების, ასურელების და სომხების დიასპორებსაც გადაწვდებიან. თურქეთი არაა ცნობილი საკუთარი ლმობიერებით სხვა ეთნიკური ჯგუფების მიმართ. Რამდენიმე ქალაქი უკე დაიბომბა, მსხვერპლთა რიცხვი დღითიდღე იზრდება, სირიელმა მოსახლეობამ უკვე დიწყო სახლების მიტოვება თვითგადარჩენის მიზნით.

image

დავიცვათ დიღმის ტყე

ჩვენ 13 ივლისს დიღმის ტყეში, კარვებში გავათენეთ ღამე. ხოლო 14 ივლისს ჩავატარეთ გამაფრთხილებელი დემონსტრაცია, რომ არ ვაპირებთ დავუშვათ დიღმის ტყის გაჩანაგება და რესტორნის უკანა ეზოდ ქცევა!  

image

„ახალგაზრდა მწვანეების“ პოზიცია 20 ივნისზე

მოქალაქეები ეჯახებიან როგორც ყოველდღიურ ცხოვრებაში, ასევე ნებისმიერი პროსტესტის დროს. მიგვაჩნია, რომ ამ პოლიციური რეჟიმის შექმნასა და გამყარებაში დიდი წვლილი მიუძღვის „ნაციონალურ მოძრაობას“, რომელმაც წამოიწყო და საფუძველი ჩაუყარა „ნულოვანი ტოლერანტობის“ პოლიტიკას. მეორეს მხრივ, გვსურს, ხაზი გავუსვათ „ქართული ოცნების” ქმედებებს და იმას, რომ ეს პარტია აგრძელებს წინამორბედის წამოწყებულ პოლიტიკას და, შესაბამისად, პოლიციური რეჟიმის გამოყენებით ცდილობს, ჩაახშოს ქვეყანაში არსებული პროტესტი არსებული სოციალური, ეკონიმიკური თუ პოლიტიკური მდგომარეობის წინააღმდეგ.

შემოგვიერთდით