ხელები შორს ართვინისგან

გამოქვეყნებულია: 20.Feb.2016

ბოლო 25 წლის განმავლობაში, ართვინის (თურქეთისა და საქართველოს სასაზღვრო ქალაქი) მაცხოვრებლები აქტიურად აპროტესტებდნენ სპილენძისა და ოქროს მაღაროების აშენებას. ამ 25 წლის განმავლობაში, მოსახლეობის პროტესტმა შეაჩერა ორი კანადური კომპანიის პროექტები ართვინში. სამწუხაროა, რომ ხალხის წინააღმდეგობას კვლავ საფრთხე ემუქრება, ახლა, არამხოლოდ მაღაროების კომპანიების მხრიდან, არამედ სახელმწიფოს მხრიდანაც.


 
ამ კვირის დასაწყისში, ართვინის მაცხოვრებლები პოლიციისა და სამხედრო ძალების თავდასხმის მსხვერპლი გახდნენ, რომlლებიც პირდაპირ ასრულებდნენ ,,ჩენგიზ ჰოლდინგის - მაღაროების კომპანიის ბრძანებებს. კომპანია ჩენგიზ ჰოლდინგი, პრო-სახელისუფლებო კონგლომერატია და  ფლობს მრავალ მშენებლობებსა და ენერგიისა და მაღაროების პროექტებს, რომლებიც ანადგურებენ გარემოს, არამხოლოდ თურქეთში, არამედ ბულგარეთში, აზერბაიჯანში და სომხეთში. ახლა, მათ მორიგ ,,მოგების ობიექტად'' ჯერათთეფე, ართვინი აირჩიეს.
 
მიუხედავად იმისა, რომ არსებობს ექსპერტთა დასკვნები, რომლებიც ხაზგასმით მიუთითებენ იმ ზიანზე, რომელიც მაღაროს აშენების შემთხვევაში ართვინს მიადგება და აგრეთვე, არსებობს სასამართლოს ბრძანებები ამ მშენებლობის წინააღმდეგ, 16 თებერვალს, ჩენგიზ ჰოლდინგის ოფიციალური წარმომადგენლები ართვინში მაღაროს აშენების მიზნით ჩავიდნენ.
 
ართვინის მოსახლეობისგან ამ მშენებლობას მწვავე პროტესტი მოყვა. ბოლო ორი დღის განმავლობაში ართვინში სიცოცხლე გაჩერდა. დაკეტილია სკოლები, მაღაზიები და გადაკეტილია მშენებლობის ადგილი. ართვინის მოსახლეობა 25,000-ია, მათგან 20,000 პროტესტში აქტიურად არის ჩართული. მიუხედავად ამისა, ხელისუფლება სწრაფად მობილიზდა ჩენგიზ ჰოლდინგის მხარდასაჭერად და ექვი მეზობელი ქალაქიდან ართვინში დამატებითი სამხედრო ძალები გაგზავნა. ართვინის მაცხოვრებლებს სასტიკად დაესხნენ თავს ცრემლსადენი გაზით.
 
ჯერათთეფე ართვინი გულია. ის ერთადერთი წყალმომარაგების წყაროა ართვინისთვის და ძალიან ახლოსაა ქალაქის ცენტრთან. მაღარო მოწამლავს წყალს და მიწას, რომელიც საბოლოოდ გამოიწვევს მოსახლეობის მიგრაციას. ჯერათთეფე ასევე, ძალიან ახლოს არის ბათუმთან და ზიანი საქართველოსაც მიადგება. აგრეთვე, ტერიტორია, სადაც მაღაროს აშენება სურთ, არის კავკასიის ენდემური ტყეების ნაწილი, რომელიც აღიარებულია, როგორც ორასიდან ერთ-ერთ გლობალურ ეკოლოგიურ რეგიონად.
 
თურქეთისა და საქართველოს ახალგაზრდა მწვანეები მოქმედებენ სოლიდარობის პრინციპით და გამოდიან ჯერათთეფეში მაღაროს აშენების წინააღმდეგ. ჩვენ მივმართავთ მეგობრებს კავკასიიდან, რომ აიმაღლონ ხმა ამ უსამართლობის წინააღმდეგ. აგრეთვე, მოვუწოდებთ მეგობრებს ბალკანეთიდან, ევროპიდან და მთელი მსოფლიოდან რომ დადგნენ ჩვენს გვერდზე და მხარი დაუჭირონ სიცოცხლეს!
 

 
#Artvinedokunma
#handsoffArtvin
#ხელებიშორსართვინისგან

თეგები:

ასევე წაიკითხეთ:

image

ფაშიზმზე გამარჯვების დღე

უნდა გავაცნობიეროთ, რომ მტერი ჩვენ, ხალხს შორის კი არა — პოლიტიკურ და ეკონომიკურ ელიტაშია და მხოლოდ მათთან ბრძოლით შევძლებთ, დავამარცხოთ არსებული მჩაგვრელი ეკონომიკური სისტემაც და მისი ნაშიერი ფაშიზმიც!

image

საპირველმაისო მანიფესტი

ჩვენი სახელმწიფო ანტი-სოციალურია; მისი ანტი-ჰუმანური პოლიტიკის შედეგად მხოლოდ ამ წლის მარტში 6 მუშა გარდაიცვალა სამუშაო ადგილას, ხოლო 2011-2018 წლების განმავლობაში 376 დაიღუპა, 1081 დაშავდა. სამუშაო ადგილზე სიკვდილი შეუძლებელია უბედური შემთხვევა იყოს, თან როდესაც საუბარია არა ერთ ან ორ, არამედ ასეულობით დაღუპულზე. მშრომელების დაღუპვაში დამნაშავე ნეო-ლიბერალური პოლიტიკა, დაურეგულირებელი ბაზარი, ბიზნესის თვითნებობა, უუნარო შრომის ქოდექსი და ამის გამტარებელი სახელმწიფოა!

image

სოლიდარობა პანკისელებს, არა ჰესებს

რაც პანკისში ხდება არ არის მხოლოდ პანკისის პრობლემა! ეს ყველა ჩვენგანის პრობლემაა! რადგან იგივე სისტემა, რომელიც დღეს პანკისელებს ებრძვის აქ მუშებს ხოცავს სამუშაო ადგილზე, გამონაბოლქვში გვახრჩობს და სიღარიბეში სულს გვაძრობს სრულიად მიზანმიმართული პოლიტიკით.

შემოგვიერთდით