ბათუმის რივიერასთვის სოლიდარობის აქცია გაიმართა

გამოქვეყნებულია: 20.Jan.2020

დღეს, 20 იანვარს ახალგაზრდა მწვანეებმა ბათუმის რივიერას ჩაბეტონება გავაპროტესტეთ. ეს იყო სოლიდარობის აქცია ბათუმელი მოქალაქეებისთვის, რომლებიც მოძრაობა “მწვანე მომავალთან” და ,,საზოგადოება ბათომთან” ერთად საჯარო სივრცის გასხვისებას უპირისპირდებიან. Ჩვენს პროტესტს შემოუერთდა ანას ბაღის სამეზობლო, რისთვისაც განსაკუთრებულ მადლობას ვუხდით მათ. 

    აქციაზე გავაჟღერეთ ბათუმელი აქტივისტების ორი მოთხოვნა, რომელსაც ჩვენ სრულიად მხარს ვუჭერთ: 
1. გაუქმდეს უკანონო მშენებლობის ნებართვა;
2. ბათუმის რივიერა დაუბრუნდეს მოქალაქეებს და გამწვანდეს ტერიტორია.

   ბათუმშიც და თბილისშიც ბათუმის ჩაბეტონების წინააღმდეგ პროტესტი გაგრძელდება.    
   ბათუმში, იახტკლუბისა და ჭაჭის კოშკის მიმდებარედ, შპს “ბათუმი რივიერა” გეგმავს კომპლექსის სამშენებლო პროექტის განხორციელებას, რომელიც 5 მაღალ შენობას მოიცავს. საქართველოს ეკონომიკისა და მდგრადი განვითარების სამინისტრომ ამ კომპლექსიდან ერთ-ერთის, 42-სართულიანი კორპუსის მშენებლობის ნებართვა უკვე გასცა. პროექტი „ბათუმი რივიერა“ დაახლოებით ცხრა ჰექტრამდე ტერიტორიას მოიცავს. Აღნიშნული პროექტის თანაინვესტორები არიან ბიძინა ივანიშვილი და ბიზნესმენი გიორგი რამიშვილი, იგივე ზარალა. 

ბათუმის რივიერას ტერიტორიაზე დაგეგმილი პროექტი თავისთავად  ეკოლოგიურ, გეოლოგიურ, სოციო-ეკონომიკურ პრობლემას წარმოქმნის, ასევე საგულისხმოა აღნიშნული სივრცის ისტორიული მნიშვნელობა.

 

 

 

ფოტო © publika.ge

თეგები:

ასევე წაიკითხეთ:

image

ანას ბაღში ბიზნესი ძალადობრივად შეიჭრა

დღეს, 10 იანვარს, დილის საათებში, ანას ბაღში სამშენებლო კომპანიამ ტექნიკის შეყვანა დაიწყო, რასაც ვარკეთილელები და, მათ შორის, “ახალგაზრდა მწვანეები”, წინ აღუდგნენ: გადაკეტეს გზა, რასაც მათსა და პოლიციას შორის დაპირისპირება მოჰყვა.

image

რა მოხდა COP25-ის გარშემო

მიმდინარე ტექსტი აღარ ითვალისწინებს ადამიანის უფლებების დაცვას და ითხოვს მხოლოდ იმას, რომ პროექტებმა თავიდან აიცილონ ეკოლოგიური ზიანი და მათგან გამოწვეული სოციალური ზემოქმედებები. იგი ამბობს, რომ მოლაპარაკებები უნდა შედგეს იქ, სადაც შესაბამისობაში იქნება მოქმედ შიდა კანონმდებლობასთან და რომ სხვა გარანტიების განხილვა შედგება 2028 წლისთვის.

image

ახალგაზრდა მწვანეების გამოხმაურება 15 წლის ბიჭის მკვლელობაზე

ხვალ შეიძლება შემდეგი მსხვერპლი ვიყოთ ჩვენ. უნდა გამოვფხიზლდეთ იქამდე, სანამ უთანასწორობაზე და ძალადობაზე დამყარებული სისტემა ყველას და ყველაფერს ღრმა მორევში ჩაითრევს და გადარჩენა შეუძლებელი გახდება. ჩვენ უნდა მოვითხოვოთ გამართული სოციალური პოლიტიკა, რადგან ამის გარეშე, პოლიციური რეჟიმის ჩამოშლა შეუძლებელია.

შემოგვიერთდით