AboutUs Image

ჩვენ შესახებ

საქართველოს ახალგაზრდა მწვანეები ახალგაზრდული, წევრობაზე დაფუძნებული, მემარცხენე, ქვიარ და ფემინისტური ორგანიზაციაა.

ორგანიზაცია დაფუძნდა 2008 წელს, როგორც მწვანეთა პარტიის ახალგაზრდული ფრთა, თუმცა იდეოლოგიური განსხვავებების გამო „ახალგაზრდა მწვანეები“ პარტიას გამოეყვნენ და დამოუკიდებელ ორგანიზაციად ჩამოყალიბდნენ.  

„ახალგაზრდა მწვანეები“ ქართულ პოლიტიკურ სივრცეში გამოირჩევა თავისი ღია, დემოკრატიული და არაიერარქიული შიდასტრუქტურით.

გადაწყვეტილების მიმღები უმაღლესი ორგანო არის გენერალური ასამბლეა, რომლის მოწვევა წელში ერთხელ ხდება; გენერალურ ასამბლეაზე ხდება ორგანიზაციის სტრატეგიის გაწერა, პოლიტიკური პლატფორმის, წესდებისა და შინაგანაწესის მიღება. ასევე ერთი წლით ირჩევა აღამსრულებელი კომიტეტი, რომელიც გამჭვირვალედ და წევრებთან შეთანხმებით მოქმედებს.

ორგანიზაციის მთავარ მიზნებს წარმოადგენს:

  • „ახალგაზრდა მწვანეების“ წევრებსა და საქართველოს მოსახლეობაში მწვანეობის, ეკოლოგიის, დემოკრატიულ, თანასწორობისა და არაძალადობის საკითხებთან დაკავშირებით ცნობიერების გაზრდა;
  • მწვანე ინიციატივების ადვოკატირება ადგილობრივ დონეზე;
  • ახალგაზრდებისთვის ახალი შესაძლებლობებისა და თვითრეალიზაციისთვის აუცილებელი გარემოს შექმნა;
  • ახალგაზრდების აქტიური ჩართვა სოციალურ თუ პოლიტიკურ პროცესებში;
  • სოციალური, ეკონომიკური და გენდერული თანასწორობისთვის ბრძოლა;
  • მწვანე ცხოვრების წესის პოლიტიკური ცნობიერების ამაღლება.

ორგანიზაციის მთავარ ამოცანას წარმოადგენს განსხვავებულ შესაძლებლობათა მქონე ახალგაზრდებისთვის თანაბრად უსაფრთხო და კომფორტული გარემოს შექმნა თვითრეალიზაციისთვის; ახალგაზრდების ერთმანეთთან დაკავშირდების ხელშეწყობა და მათთვის კულტურულ-საგანმანათლებლო გაცვლითი პროგრამებისა თუ სხვა აქტივობების საშუალებით არააკადემიური გამოცდილების მიცემა და მწვანე პოლიტიკური ცნობიერების გამომუშავება

ჩვენი საქმიანობა მოიცავს ფესტივალებს, კითხვის კლუბებს, ფილმის ჩვენებებს, ადვოკატირების კამპანიებს, რეგიონალურ შეხვედრებს, დემონსტრაციებს, არაფრომალური განათლების პლატფორმებს, პუბლიკაციებისა თუ საინფორმაციო ბუკლეტების ბეჭდვას, ონლაინ კამპანიებს და სხვა.

ორგანიზაცია მჭიდროდ თანამშრომლობს ქართულ გარემოსდაცვით, მემარცხენე, ფემინისტურ და ქვიარ ორგანიზაციებსა თუ ფონდებთან. ამ დროისთვის „ახალგაზრდა მწვანეებს“ ჰყავს 3 საერთაშორისო პარტნიორი: აღმოსავლეთ ევროპის თანამშრომლობისა და განვითარების ქსელი (CDN), ევროპის ახალგაზრდა მწვანეების ფედერაცია (FYEG) და მსოფლიოს ახალგაზრდა მწვანეები (Global Young Greens);

 

უფრო დაწვრილებით იხილეთ პოლიტიკური პლატფორმა, წესდება და შინაგანაწესი.

ბოლო სიახლე

ყველას ნახვა
image
Time
18.Jul.2020

ჩვენი რესურსები ჩვენია! - გამოხმაურება „ფრონტერას“ მუშის სიკვდილზე

საქართველოს ახალგაზრდა მწვანეები და “სოლიდარობის ქსელი” ვეხმაურებით გასულ კვირას მომხდარ საზარელ ფაქტს: დედოფლისწყაროში მშრომელმა თავი მოიკლა, რადგან დამსაქმებელი, ამერიკული კომპანია “ფრონტერა”, მას და კიდევ 92-ზე მეტ მუშას ხელფასს 11-14 თვე არ უხდიდა. 

ბოლო სტატია

ყველას ნახვა
Image

ზარალა თუ ზარალა

თუ ასეთი ზარალა გამოჩნდება — მერე რა, რომ ისიც ზარალა იქნება, ამაზე კირკიტის დრო არაა, პოლიტიკა ასე არ მუშაობს — ჩვენი ყველას ვალი იქნება სწორედ მას დავუჭიროთ მხარი, რომ რეალური ცვლილებები დადგეს დღის წესრიგში. მერე უკვე უფლება აღარ გვექნება, ზარალას მაფიოზურ საქმიანობაზე გვქონდეს პრეტენზია, თუ აგერ გვყავს მისი ალტერნატივა და მხარს არ ვუჭერთ.

ბოლო პუბლიკაცია

ყველას ნახვა
Image

გერმანიის მწვანეები — „გაერთიანების პარტია“

წელს, ზუსტად 40 წლის შემდეგ, იმავე ადგილას, ქალაქ კარლსრუეში, სადაც პარტია დაარსდა, გერმანელი მწვანეები რიგით 45 ფედერალურ ასამბლეას ჩაატარებენ, აქ ისინი პარტიის ახალ ბაზისურ პროგრამას დაამტკიცებენ. უდაოა, რომ წელს შეკრებილი ადამიანები და მთლიანად პარტია ბევრად ნაკლებად მემარცხენე და რადიკალური იქნება, თუმცა, თუ პროგრამას წაიკითხავთ, დაგრჩებად შთაბეჭდილება, რომ ეს არის იმ პარტიის პროგრამა, რომლის მიზანი, არა კოალიციის უმცორი პარტნიორობა, არამედ მთავრობის ფორმირება და გერმანიის გარდაქმნაა. 

დღეს, როგორც არასდროს აქამდე, გერმანიის მწვანეთა პარტია მზად არის ქვეყნის სამართავად.

შემოგვიერთდით